Tahiti Infos
Tahiti Infos

TAHITI INFOS, les informations de Tahiti
Facebook
Twitter
RSS
I phone App
Androïd
Newsletter
FENUACOMMUNICATION, Fare Ute, immeuble SAT NUI BP 40160 98 713 Papeete Polynésie Française. Tel:40 43 49 49


E nehenehe 'outou e fāna'o i te mau hoho'a fenua i ni'a i te tahua natirara



E nehenehe 'outou e fāna'o atu i tā'outou mau hoho'a fenua, mai tō'outou mau nohora'a.
E nehenehe 'outou e fāna'o atu i tā'outou mau hoho'a fenua, mai tō'outou mau nohora'a.
PAPEETE, le 24/08/2017 - Ua naho te putu parau uira no te mau 'ohipa fenua, pi'i hia 'Ōti'a. Mai te peu, e hina'aro 'outou i tā 'outou mau hoho'a fenua, e nehenehe ia 'outou e huri mai nā ni'a i te tahua natirara, www.otia.gov.pf. Te fā a te Hau Fenua, maoti rā, nō te fa'a'ōhiera'a i te orara'a o te feiā e noho rā nā roto i te mau ta'amotu ihoa rā, 'eiaha fa'ahou 'outou e tīa'i-maoro-noa i tā 'outou mau hoho'a fenua.

A piti matahiti i teie nei, teie putu parau uira 'Ōti'a a fa'a'ohipa hia ai i ni'a i tē tahua natirara, www.otia.gov.pf. Fa'anahora'a teie o tei fāna'o noā ia e te mau rave 'ohipa a te Pū nō tē mau 'ohipa fenua e te tahi mau ti'a e ha'a rā i roto i teie tuha'a, mai te mau uitiē nei…

Mai teie atu mahana, e nehenehe te tā'āto'ara'a e fāna'o ato'a i teie rāve'a.

I ni'a i teie tahua natirara, e nehenehe ia 'outou e huri mai i tā 'outou mau hoho'a fenua, mā tē ho'o roa i te reira, mai tō 'outou mau nohora'a. 'Aita te tārifa i taui, tei ni'a noa i te fāito, e 500 farāne. Teie rā, e 4 ana'e mau hoho'a fenua o tā 'outou e nehenehe e ho'o atu i ni'a i teie tahua natirara.

Te fā a te Hau Fenua, 'oia ho'i, te fa'a'ōhiera'a i te orara'a o te feiā e noho rā nā roto i te mau ta'amotu. Eita fa'ahou rātou e ani i tō rātou mau feti'i i Tahiti. Teie rā, mai te peu noātu, 'aita e tahua natirara iō 'outou, e nehenehe tā 'outou e haere atu i roto i tā 'outou mau fare 'oire. Terā rā, 'aita te parau nō te 'aufaura'a i naho-atu-rā, te vai fa'ahou rā te tahi mau pu'e parau mana e ti'a i tē pia hia i roto i te Ve'a a te Hau.

Pu'e ta'o / Lexique (Fare Vāna'a) :

- Télécharger : huri mai
- Application informatique : fa'anahora'a tāireuira, putu parau uira
- Plan cadastral : hoho'a fenua
- Logiciel (idem pour application informatique) : fa'anahora'a tāireuira, putu parau uira
- Interface (en informatique) : rāve'a hō atu / hō mai

Te hoho'a 'ārearea a Munoz



Rédigé par Corinne Tehetia le Jeudi 24 Août 2017 à 15:21 | Lu 680 fois

Tags : REO TAHITI





Dans la même rubrique :
< >

Lundi 24 Septembre 2018 - 18:30 Un cas de tuberculose au lycée Gauguin

Actualité de Tahiti et ses îles | Actualité de France | Actualité du Pacifique | Actualité du Monde | Actualité du Sport | Insolite | Magazine | Assistance | Appels d'offre et communiqués