24 rahira'a mau mero o tei tu'u i to ratou ti'aturira'a i ni'a ia Damas Teuira
MAHINA, i te 13/08/2015 - Ua tupu te ma'itira'a i te po'ipo'i a mahana toru ra i te fare 'oire no Mahina. Ua 'amui mai te rahira'a o te mau mero no te 'apo'ora'a 'oire. E piti ti'a o tei horo atu o Lorna Oputu te mono tavana matamua tahito e o Damas Teuira, te ti'a i ma'iti hia e Patrice Jamet. I te pae hope'a, ua roa'a hia e Damas Teuira 24 o te mau reo e, e 9 na Lorna Oputu. I teie hepetoma i muri nei, e putuputu fa'ahou ratou no te ma'iti i te mau mono tavana.
Ua fa'aoti te rahira'a o te mau mero no te 'apo'ora'a 'oire no Mahina e pa'epa'e atu ia Damas Teuira i ni'a i te ti'ara'a tavana oire no Mahina. 24 o ratou o tei turu i te ti'a a Patrice Jamet e, e 9 ana'e o tei ma'iti ia Lorna Oputu.
E 'oa'oa rahi to te tavana 'api i muri a'e i teie ma'itira'a. "Ua hina'aro vau e fa'ahanahana ia Patrice Jamet na roto i teie manuiara'a mai, inaha, ua 'ite au i te mau fifi o tei farerei hia e ana, 'ere mai ai oia i tona ti'ara'a tavana no teie 'oire".
Are'a i tona pae, ua ha'apoupou maita'i o Patrice Jamet i te tavana 'api, "e ta'ata maita'i roa o Damas. Ua 'ite au e mara'a iana i te mau tapura 'ohipa a te 'oire". Ua ha'apapu noa na o Patrice Jamet, e ma'iti mai oia i te ho'e ti'a e nehenehe e fa'atupu i te ho'era'a i roto i te 'apo'ora'a 'oire. "I teie mahana, te 'ite nei tatou i tona mau maita'i. Ua mara'a iana e ia ho'e te mau reo, 24 o te mau mero o tei ma'iti iana. Tona aura'a, te vai ato'a ra to te pae pato'i o tei ma'iti iana".
Oia mau, ia hi'o ana'e hia te rahira'a o te mau reo, e riro na reo e toru no roto atu i te pupu a Nicole Sanquer o tei ma'iti ia Damas Teuira. Na reira ato'a i te pae o te mau mero no te pupu a Lucie Lucas, e piti ti'a o tei riro i te turu i te ti'a a Ia Tura o Mahina. Are'a no Frédéric Fritch, aita oia i horo atu tera ra, ua tu'u oia i tona ti'aturira'a i ni'a ia Damas Teuira. "Ua hina'aro vau e ia nu'u i ta matou mau tapura 'ohipa. Ua parau ato'a to'u tae'ae Edouard ia'u e, e ti'a e ia vai ho'e noa te mana'o i rotopu ia 'outou, o ta'u ato'a ia i tape'a mai".
Ua fa'aoti te rahira'a o te mau mero no te 'apo'ora'a 'oire no Mahina e pa'epa'e atu ia Damas Teuira i ni'a i te ti'ara'a tavana oire no Mahina. 24 o ratou o tei turu i te ti'a a Patrice Jamet e, e 9 ana'e o tei ma'iti ia Lorna Oputu.
E 'oa'oa rahi to te tavana 'api i muri a'e i teie ma'itira'a. "Ua hina'aro vau e fa'ahanahana ia Patrice Jamet na roto i teie manuiara'a mai, inaha, ua 'ite au i te mau fifi o tei farerei hia e ana, 'ere mai ai oia i tona ti'ara'a tavana no teie 'oire".
Are'a i tona pae, ua ha'apoupou maita'i o Patrice Jamet i te tavana 'api, "e ta'ata maita'i roa o Damas. Ua 'ite au e mara'a iana i te mau tapura 'ohipa a te 'oire". Ua ha'apapu noa na o Patrice Jamet, e ma'iti mai oia i te ho'e ti'a e nehenehe e fa'atupu i te ho'era'a i roto i te 'apo'ora'a 'oire. "I teie mahana, te 'ite nei tatou i tona mau maita'i. Ua mara'a iana e ia ho'e te mau reo, 24 o te mau mero o tei ma'iti iana. Tona aura'a, te vai ato'a ra to te pae pato'i o tei ma'iti iana".
Oia mau, ia hi'o ana'e hia te rahira'a o te mau reo, e riro na reo e toru no roto atu i te pupu a Nicole Sanquer o tei ma'iti ia Damas Teuira. Na reira ato'a i te pae o te mau mero no te pupu a Lucie Lucas, e piti ti'a o tei riro i te turu i te ti'a a Ia Tura o Mahina. Are'a no Frédéric Fritch, aita oia i horo atu tera ra, ua tu'u oia i tona ti'aturira'a i ni'a ia Damas Teuira. "Ua hina'aro vau e ia nu'u i ta matou mau tapura 'ohipa. Ua parau ato'a to'u tae'ae Edouard ia'u e, e ti'a e ia vai ho'e noa te mana'o i rotopu ia 'outou, o ta'u ato'a ia i tape'a mai".
PE'APE'A RI'I I TE MANA'O I TE HO'E TAIME
Ma'itira'a o tei tupu na i te po'ipo'i a mahana toru ra, e o tei peretiteni hia e te ta'ati pa'ari roa a'e i rotopu i te mau mero, oia ho'i, o Lucie Lucas.
I te 'omuara'a, e piti nou ti'a o tei horo atu : o Lorna Oputu e o Damas Teuira.
Teie ra, ua tu'u ato'a o Lorna Oputu i te i'oa o Frédéric Fritch, ohipa o tei fa'atupu i te mana'ona'ora'a i roto i te mau ti'a no te pupu a ITOM. "No te aha ratou i maere ai, ua fa'a'ite noa na o Frédéric Fritch, i mua i te huira'atira, i tona hina'aro e horo i ni'a i teie parahira'a. Ua taui tona mana'o i teie manaha, atire. Teie ra, ua hina'aro vau e fa'a ha'amana'o iana e ia parau ana'e hia ho'e parau i mua i te huira'atira, e ti'a e ia tape'a hia te reira".
No Frédéric Fritch, ua maere roa oia i mua i teie 'ohipa.
No reira, i teie hepetoma i muri nei, e putuputu fa'ahou te mau mero no te 'apo'ora'a 'oire no te ma'iti i te mau mono tavana. Te vahi papu, o Frédéric Fritch tei amo mai i te ti'ara'a mono tavana matamua, haere mai ai o Tenuhiarii Faua i ni'a i te ti'ara'a piti. E piti ato'a vahine 'api o tei amo i teie mau ti'ara'a, o Marie-Pauline Cojan e o Célestine Wong.
I te 'omuara'a, e piti nou ti'a o tei horo atu : o Lorna Oputu e o Damas Teuira.
Teie ra, ua tu'u ato'a o Lorna Oputu i te i'oa o Frédéric Fritch, ohipa o tei fa'atupu i te mana'ona'ora'a i roto i te mau ti'a no te pupu a ITOM. "No te aha ratou i maere ai, ua fa'a'ite noa na o Frédéric Fritch, i mua i te huira'atira, i tona hina'aro e horo i ni'a i teie parahira'a. Ua taui tona mana'o i teie manaha, atire. Teie ra, ua hina'aro vau e fa'a ha'amana'o iana e ia parau ana'e hia ho'e parau i mua i te huira'atira, e ti'a e ia tape'a hia te reira".
No Frédéric Fritch, ua maere roa oia i mua i teie 'ohipa.
No reira, i teie hepetoma i muri nei, e putuputu fa'ahou te mau mero no te 'apo'ora'a 'oire no te ma'iti i te mau mono tavana. Te vahi papu, o Frédéric Fritch tei amo mai i te ti'ara'a mono tavana matamua, haere mai ai o Tenuhiarii Faua i ni'a i te ti'ara'a piti. E piti ato'a vahine 'api o tei amo i teie mau ti'ara'a, o Marie-Pauline Cojan e o Célestine Wong.
PARAU HURU RAU
E riro o Putai e o Christelle Lehartel i te taho'e ia raua no te ma'itira'a i Papara
E riro teie ma'itira'a tavana no Papara i te tupu i te 18 no atopa i muri nei. I teie mahana, e riro e piti ana'e tapura e horo ra : te tapura a te pupu Tahoera'a Huira'atira arata'i hia e Béatrice Legayic e ho'e tapura o tei taho'e i te pupu no Puta'i Ta'a'e e o Christelle Lehartel. I teie ra mahana, aita ho'e a'e ha'apapura'a e ua manuia anei i te mau tau'ara'a parau i rotopu i na ti'a to'opiti. E ti'a ra ia raua e ia nahonaho maita'i te reira hau te hope'ara'a o teie 'ava'e no atete. Inaha, i te 18 no atopa te huira'atira e horo'a ai i tana fa'aotira'a.
Ho'e pahi 'api na te mau Henua Enana ma.
Te Aranui 5, teie te pahi 'api o tei tere i te mau pae fenua Enana ma, i teie matahiti i muri nei. E tae mai oia i te fenua nei hau te hope'ara'a o teie matahiti. Te vahi papu, rave rahi mau fa'anahora'a maita'i o tei fa'ata'a hia, mai te parau anei no te mau piha ta'otora'a. I roto ato'a i teie pahi 'api, ua fa'aateatea maita'i hia te ho'e vahi no te fari'ira'a i te mau tauiha'a huru rau. E, te 'opuara'a a te taiete, maoti ra, te tihepura'a i te tahi mau rave ohipa i te pae no te hotera no te ha'a i ni'a i teie pahi 'api.
Ua ha'amata te ha'api'ira'a i teie hepetoma
Mai te mahana toru ra, te mau fare ha'api'ira'a tuarua i te iritira'a i ta ratou mau uputa. I teie hepetoma i muri nei, e ha'amata ia te mau fare ha'api'ira'a tuatahi. Te vahi papu, i teie matahiti, hau i te 53 000 rahira'a mau piahi e tia'i hia ra. Teie ra, te 'ite hia ra te tahi vahi paruparu i te pae o te mau orometua ha'api'i, inaha, 15 ti'ahapa i roto i te mau fare ha'api'ira'a tuarua o tei 'ore i tae mai i te fenua nei. Te 'imi-noa-hia ra i te tahi mau ti'a o tei nehenehe e amo i teie mau toro'a. I roto i te mau ta'amotu, te'imi ato'a hia ra e 8 mau orometua ha'api'i no te mau fare ha'api'ira'a tuatahi, e riro ra teie fifi i te matara atu i teie hepetoma i muri nei.
E riro o Putai e o Christelle Lehartel i te taho'e ia raua no te ma'itira'a i Papara
E riro teie ma'itira'a tavana no Papara i te tupu i te 18 no atopa i muri nei. I teie mahana, e riro e piti ana'e tapura e horo ra : te tapura a te pupu Tahoera'a Huira'atira arata'i hia e Béatrice Legayic e ho'e tapura o tei taho'e i te pupu no Puta'i Ta'a'e e o Christelle Lehartel. I teie ra mahana, aita ho'e a'e ha'apapura'a e ua manuia anei i te mau tau'ara'a parau i rotopu i na ti'a to'opiti. E ti'a ra ia raua e ia nahonaho maita'i te reira hau te hope'ara'a o teie 'ava'e no atete. Inaha, i te 18 no atopa te huira'atira e horo'a ai i tana fa'aotira'a.
Ho'e pahi 'api na te mau Henua Enana ma.
Te Aranui 5, teie te pahi 'api o tei tere i te mau pae fenua Enana ma, i teie matahiti i muri nei. E tae mai oia i te fenua nei hau te hope'ara'a o teie matahiti. Te vahi papu, rave rahi mau fa'anahora'a maita'i o tei fa'ata'a hia, mai te parau anei no te mau piha ta'otora'a. I roto ato'a i teie pahi 'api, ua fa'aateatea maita'i hia te ho'e vahi no te fari'ira'a i te mau tauiha'a huru rau. E, te 'opuara'a a te taiete, maoti ra, te tihepura'a i te tahi mau rave ohipa i te pae no te hotera no te ha'a i ni'a i teie pahi 'api.
Ua ha'amata te ha'api'ira'a i teie hepetoma
Mai te mahana toru ra, te mau fare ha'api'ira'a tuarua i te iritira'a i ta ratou mau uputa. I teie hepetoma i muri nei, e ha'amata ia te mau fare ha'api'ira'a tuatahi. Te vahi papu, i teie matahiti, hau i te 53 000 rahira'a mau piahi e tia'i hia ra. Teie ra, te 'ite hia ra te tahi vahi paruparu i te pae o te mau orometua ha'api'i, inaha, 15 ti'ahapa i roto i te mau fare ha'api'ira'a tuarua o tei 'ore i tae mai i te fenua nei. Te 'imi-noa-hia ra i te tahi mau ti'a o tei nehenehe e amo i teie mau toro'a. I roto i te mau ta'amotu, te'imi ato'a hia ra e 8 mau orometua ha'api'i no te mau fare ha'api'ira'a tuatahi, e riro ra teie fifi i te matara atu i teie hepetoma i muri nei.
