TAHITI INFOS, les informations de Tahiti

Facebook
Twitter
RSS
I phone App
Androïd
Newsletter

FENUACOMMUNICATION, Fare Ute, immeuble SAT NUI BP 40160 98 713 Papeete Polynésie Française. Tel:40 43 49 49


Te mau Fa’aotira’a a te ‘Āpo’ora’a a te mau Fa’aterehau, mahana toru 30 no Titema 2016  30/12/2016

Tauturu moni no te ha'amaita'ira'a i te ho'a rahi ra « I te atea è i te ta'ato'ara'a, Tava'e, te 'aito no ni'a ia Hiva, »

Na roto i te anira'a a te Fa'aterehau no te Fariira'a ratere, o Jean-Christophe Bouissou, ua horo'a te 'Apo'ora'a a te mau Fa'aterehau ho'e tauturu moni no te faito 'ahuru ma-pae mirioni toata farane na te taiete «EIFFEL PRODUCTIONS»- no te 'amuira'a atu i roto i te paturu faufa'a monira'a i te ha'amaita'ira'a i te hoho'a ra piihia «I te atea è i te ta'ato'ara'a, Tava'e, te 'aito no ni'a ia Hiva. »

Eiffel Productions o te taiete ia na te ta'ata tu'iro'o rahi ra no te hamanira'a hoho'a teata o Jacques Dorfmann, na'na, te hoho'a ra « Te Tama'i no te Auahi », « Te Nu'u fa'ehau no te mau ata pouri» e aore ra, « Vercingétorix ».

Te 'opua nei o Jacques Dorfmann, e hamani i teie hoho'a «I te atea è i te ta'ato'ara'a, Tava'e, te 'aito no ni'a ia Hiva. », no te fa'aora mai i te 'a'amu rahi fa'ahiahia ra no Tauaea « Tavae » Raioaoa, ta'ata rava'ai tahiti o tei, i te matahiti 2002 ra, haere atu na no te ho'e rava'aira'a, o tei painu atu na i roto i te roara'a 118 rahira'a mahana i roto i te moana Patitifa Apato'a, ma te 'amu noa i te i'a, ma te inu noa i te pape ua e o tei iri atu na, i ni'a i te motu no 'Aitutaki, i roto i te ta'amotu no te mau Motu Raroto'a ma.

Te hoho'a ferurihia e 'opuahia ra, e niuhia ia i ni'a i te 'a' amu o Tavae, tera hina'aro e haere i 'o mai i te iho tino ta'ata, te 'iriti fa'ahoura'a mai i te iho tupuna e ta'ere o ta te mau ta'ata Porinetia ato'a e mau ra e te moana o Hiva.

Na roto i to ratou manuira'a i roto i te ao e te roara'a o to ratou hani noara'a o te mauha'a ia no te fa'atiani i te fariira'a ratere o tei riro ei hahanihia mau, e o te auhia e te pae rahi o te nuna'a (Te mau 'Orurehau no Bounty, Tabu, Vaiana). E ti'a 'oia i 'o mai a i te mau hoho'a tavirihia, te hoho'a «I te atea è i te ta'ato'ara'a, Tava'e, te 'aito no ni'a ia Hiva. », e arata'i ato'a ia 'oia i te feia mata'ita'i, ia 'ite hohonu mai a i te huru orara'a no Porinetia e i ta'na ta'ere.
Te 'afata terera' a faufa'a tohuhia no te tuha'a fa'aineinera'a i taua hoho'a ra, ua tohuhia i ni'a i te faito e 77 596 826 toata farane.


Ua ha'amana te 'Apo'ora'a a te mau Fa'aterehau e piti tau 'opuara'a fa'a'orera'a tute

I roto i ta'na putuputura'a ta'a-è no te 30 no titema 2016, ua fariimana te 'Apo'ora'a a te mau Fa'aterehau ho'e 'opuara'a fa'ahotura'a a te totaiete Fare Rata, no te patura'a i te ho'e fare rahi R+5, e vai i Fa'a'a.

Ua matututohuhia te reira tapura 'ohipa no te ho'e faito ta'ato'a e 2?85 miria toata farane.
Ua rave ato'a 'oia i te fariimanara'a i te 'opuara'a fa'ahotura'a a te totaiete Hiva Queen, no te ho'ora'a mai i te mau materia, te ha'amaita''ira'a i te mau fare e te ha'amaura'a i te mau pu 'apa'apa haruharura'a itouia mahana, fa'ata'ahia no te fa'ahotu i te mau 'ofa'ara'a manu hamani momona hane, o te ha'amauhia i Apataki, Arutua, Hiva Oa, Ua Huka, Fakarava e Tatakoto.

Ua tohu matutuhia te reira tapura 'ohipa no te ho'e faito ta'ato'a e 98,6 mirioni toata farane.

Nouveau commentaire :
Facebook Twitter

800 caractères maxi autorisés.
Les dispositifs mis en œuvre pour lutter contre les contenus illicites, s'agissant des contenus publiés sur les espaces de contribution personnelle des internautes , exposés par le 10° de l'article 1er du décret du 29 octobre 2009 , autorisent toute personne à signaler la présence de tels contenus et à l'éditeur de les retirer promptement ou d'en rendre l'accès impossible". Merci de nous signaler tout contenu illicites à contact@tahiti-infos.com. D'autre part, l'équipe de Tahiti-infos ne peut être tenue pour responsable de la valeur des propos qui seront entretenus dans les commentaires. Elle attire cependant votre attention sur le fait qu'elle ne pourra tolérer aucun commentaire à caractère insultant,diffamatoire, raciste, discriminatoire, infamant, pornographique ou ne respectant pas l'éthique de la personne ou les bonnes mœurs de quelque manière qu'il soit. Tahiti Infos se réserve le droit de supprimer immédiatement ce type de message s'il devait se présenter. Tahiti Infos se réserve le droit de supprimer l'adresse d'un site internet dans un message s'il est estimé qu'il dissimule un caractère publicitaire ou s'il a été "emprunté" de manière malveillante. Merci de votre compréhension.

Signaler un abus